Suspensión onte das clases de infantil

Non fai falta que vos conte que onte os nenos tiveron que voltar para casa, e a verdade é que a situación foi o suficientemente extrema (por insalubre) como para tomar esta medida.
A primeira hora os profes encontrámonos coa desagradable sorpresa, primeiro dun olor nauseabundo nada máis entrar pola porta, e logo ver que a nosa clase (e todas as de infantil)estaban cheas de augas fecais. Como comprenderedes, esta non é situación para que rapaces que se tiran polo chan, que todo o tocan e levan as mans a boca con asiduidade...
Xa volo comentei os pais con quen falei, pero dígovos a todos que o poder para facer forza é voso, á vos é a quen faran caso, así que anímovos a pasarvos polo ANPA e solicitar información do que está sucedendo e que cousas podemos facer para arranxar. Todo sexa polo benestar dos nosos fillos.
Aquí vos poño un par de fotiños, e enlaces á TV e prensa:

Noticia no telexornal das 20.00h de onte
Noticia na Voz de Galicia
Noticia na Opinión

Cousas varias

Tras arranxar uns problemillas coa cámara, dinme conta que este curso todavía non vos ensinara fotos nuns dos lugares do cole onde mais disfrutan os rapaces: o patio.
Quitando algúns días, tivemos ata o de agora bastante sorte co tempo, así q o disfrutamos a tope. Aquí unha pequena mostra.

Por outra parte, contarvos que estamos celebrando unhas xornadas dedicadas o poeta de Pontedeume Ramiro Fonte, xa que fai un ano que faleceu. Pola nosa parte actuaremos o luns ante os compañeiros do cole, na todo infantil recitaremos unha poesía-adiviña que igual algún de vos xa escoitou por casa.

E por último, un "popurrí" de fotos sacadas dende principio de curso.

Os nosos libros favoritos

Pode que xa o curso pasado escoitásedes os rapaces falar dos contos que lemos na clase. Pero existen tres ou catro que "hai que lelos" moi a menudo, pois a eles encántalles. Pois este curso non se olvidaron deles, así que esta semana pasada estivemos traballando un pouquiño con eles.
Primero foi "A casa da mosca chosca". Este o saben de memoria e cando o conto eles contan a metade da historia:

O outro co que estivemos traballando foi "Os tres bandidos". Este conto ó principio descolocou un pouco ós rapaces ("os tres bandidos son bos ou malos?"). Pero pasado este desconcerto, agora lles encanta a historia deses tres misteriosos homes con capas negras e a nena Úrsula. Fixemos unha ficha con código de cores que quedou moi ben.

A idea é traballar un pouquiño cos nosos contos favoritos...

Cumples de agosto e setembro

Este venres celebramos unha pequena festa para os dous rapaces que cumpliron anos nos meses de agosto e setembro: Carlos e Marta.

O igual que o curso pasado, encargámonos nós da tarta, que nesta ocasión, e tras unha intensa votación, tivo forma de estrela.

E trala comilona, unha boa festa, na que como sempre, bailamos, xogamos e leímos!!

¡Felicidades Marta e Carlos!

O mural do verán

Xa está en marcha o mural coas foto de verán que mandasteis. Cada neno elixiu as súas favoritas e firmou co seu nome. Cando rematemos o colgaremos no corredor xunto cos murais do resto do rapaces de infantil. Como sobraron moitas fotos, as empregaremos para facer traballos e outros murales na nosa clase. Aquí tedes o proceso e o resultado, ata o de agora.

O reencontro

Xa levamos unha semana de clase, e a verdade que o reencontro foi moi ben. É certo que moitos rapaces se viron un montón de veces por Pontedeume, pero aquí é diferente. Xa empezamos a traballar un pouquiño, pero tamén exploramos a nova clase, xogamos cos novos xoguetes e estamos mirando todos os días as fotos que mandasteis do verán. Cada rapaz vai contando o que fixo, e polo que parece o pasaron moi ben! Aquí tedes as primeiras fotos do curso.

Por certo, este curso despedímonos de Brais (que te vaia moi ben!!) e recibimos a Pablo, un novo compañeiro.
Por último, recordade que toda a participación neste blog e moi benvida e agradecida! Un saúdo a todos e que teñades un bo curso.

Quentando motores

No cole xa estamos preparandonos para ter todo a punto para o día 11 de setembro (recordade que os coles empezan o día 10, pero en Pontedeume é festivo).
Non esquezades, que mañá, día 3 de setembro, temos a reunión de principio de curso as 10 de mañá. Espero vervos a todos por alí!!!