Quemamos o entroido

Xa para rematar coas entradas do Entroido, ímovos contar como foi o xoves pasado. Pola mañá chegamos todos moi guapos, porque era o día no que podiamos vir disfrazados como quixeramos. Había de todo: piratas, demos, médicos, arañas, Brancaneves e ata unha Lisa Simpson. Esta foi a chegada a clase.

Xa non puxemos o mandilón, pero si que estivemos na clase traballando un pouquiño e falando destas festas. Era moi curioso estar pola clase facendo cousas cunha sevillana ou un ninja.


Xa despois do recreo, saímos con todo o cole para enterrar, chorar e cantarlle ó Antroido. Seguimos o seu cadaleito mentres que lle cantabamos o "Xa morreu...".


Ata aquí o que deron de sí as festas do entroido. Se algún de vos quere compartir con nós algunha foto, sobre todo do pasarrúas, xa sabedes que podedes enviala ó correo do blog: infantilcouceirofreijomil@gmail.com