miércoles, 29 de abril de 2009

Cumples de abril

Hoxe tocou celebrar os cumples deste mes de abril, e as homenaxeadas foron Clara e Ari Bouza. Como a tarta do mes pasado tivo tanto éxito (sobaos con crema de cacao, coroados por un par de osiños de gominola), decidimos repetir. Esta vez a fixemos con forma de estrela. Cada un fixemos un sobao, cantamos o cumpleanos feliz, comimos e bailamos un pouco.

Por outra banda, hoxe tamén estivemos rematando a preparación dos maios, que como ben sabedes mañá celebraremos.

lunes, 20 de abril de 2009

A biblioteca do cole

Xa sabedes que os venres é o día que vamos á biblioteca do cole para devolver os libros que xa leímos. Tamén collemos outros novos para disfrutalos unha semana. A estas alturas do curso creo que podo afirmar que está sendo unha experiencia positiva: ós nenos encántalles esta visita semanal, escoller eles sos o libro que máis lles apetece, colocar a súa tarxeta no lugar correspondente... o certo é que se crea unha gran atmósfera de lectura, pois todos leen con interés o conto escollido e sempre me preguntan cal é o título. Sen ir máis lonxe, este último venres, entretínme uns minutos apuntando os libros que levaban no rexistro...e cando me din volta, este foi o panorama que me atopei:

viernes, 17 de abril de 2009

Vaia día!!

Hoxe choviu e durante un ratiño caiu un montón de pedrazo. Tal chaparrón ben mereciu un alto da nosa actividade para observalo.

miércoles, 15 de abril de 2009

Xa estamos de volta

Xa voltamos todos das vacacións coas pilas cargadas. Onte foi unha xornada de reencontro tras uns días sin vernos e todos contamos as cousas que fixemos nesta semana e media: fomos a Madrid, á piscina, a Coruña e un longo etcétera.
Tamén trala volta, vin que o blog ten tres premios! estou pensando como facer para non liarme e agradecerllo a todos.
Por outra parte...trimestre novo, sitio novo. Hoxe cando chegamos a clase "alguén" cambiara as fotos das mesas de sitio. Así quedou a cousa:

Ademáis, tamén fixemos outro estreno...uns xoguetes novos para o patio. Deixámolos alí e esperamos a ver que salían das súas cabeciñas para empregalo:

E xa para rematar, unha imaxe para compartir e que nos gustou moito. Os mellizos Juan e Clara no recreo.

Arranca xa o último trimestre!!!!!!!

lunes, 6 de abril de 2009

A Casa das Ciencias

Máis vale tarde que nunca, e un tempiño despois da visita, aquí veño eu coa reportaxe da Casa das Ciencias en Coruña. Xa saberedes que todos os nenos o pasaron moi ben, para eles tan so a viaxe en bus xa pagou a pena, e senon, mirade as suas caras:

Foron contentísimos todo o camino a grito de "¡Túnel, túnel, túnel!", e cando pasábamos un berraban moi contentos. Pouquiño despois, chegabamos ó noso destino.

Xa na entrada estaba a incubadora de pitiños e parrulos, e como suporedes tivo un éxito enorme. Todos querían ver como saían dos seus cascaróns, claro que descobrimos que era un proceso leeeeento.

Tamén había, na pranta baixa, unha mini-exposición sobre estrelas e nebulosas. Primeiro deron unha volta correndo, contentos por darse conta de que era. Logo deron otra volta con máis tranquilidade, observando.

Logo subimos á primeira planta, onde se encontra a exposición permanente. Todos os experimentos son novos, porque a Casa das Ciencias acaba de reabrir tras unha longa etapa de reformas. Tratábase de tocar e experimentar, e eles son expertos niso.

Xa no segundo andar había unha exposición de anfibios. Alí vimos ras de todas as formas e cores, salamandras... as fotos están un pouco oscuras porque tívenas que sacar sen flash.

No terceiro andar había unha expo sobre as palabras científicas máis empregadas nos medios de comunicación. Sexa como sexa, nós nos divertimos mirando os peixes que había e coa cámara que captaba a calor corporal.

E por fin chegou o momento. Subimos á última planta, ó reformado e novísimo Planetario. Sentámonos nos sillóns (nos quedaban un pouquiño grandes) e listos para ver as constelacións, ó Sol, a Estrela Polar...

Despois disto, xa tiñamos unha fame de lobo. Así que dixemos adeús o Planetario e nos sentamos nos soportais da Casa das Ciencias a merendar, que xa tocaba!

E mentres esperábamos a que os máis rezagados rematasen a súa merenda e a que chegase o autobús, xogamos e bailamos un ratiño coas profes Verónica y Pily, que por certo, foron unhas acompañantes xeniais e divertidas!!

Como vedes na ultima foto, ata bailamos "Garbancito" e todo. Despois disto, caminiño a Pontedeume. Según a miña opinión, foi unha boa experiencia en todo o conxunto, a viaxe no bus, a visita, a merenda todos xuntos...
Xa nos contaredes que vos pareceu!!